ગુજરાત વંદન

એશિયા કપ ક્રિકેટમાં ભારતીય મહિલાઓએ વગાડ્યો ડંકો : બાંગ્લાદેશને હરાવી ફાઈનલમાં કર્યો પ્રવેશ, શ્રીલંકા સાથે થશે મુકાબલો

27 Jul, 2024

વુમન્સ એશિયા કપની પહેલી સેમિફાઈનલ મેચ ઈન્ડિયા અને બાંગ્લાદેશ વચ્ચે રમાઈ હતી. જેમાં બાંગ્લાદેશે ટોસ જીતીને પ્રથમ બેટિંગ કરતા માત્ર 80 રન જ બનાવી શકી હતી. પરિણામે ટીમ ઈન્ડિયાએ 11 ઓવરમાં ટાર્ગેટ પાર પાડીને ફાઈનલમાં પ્રવેશ કરી લીધો છે. આમ બાંગ્લાદેશે આપેલા 81 રનના ટાર્ગેટનો પીછો કરવા ઉતરેલી ટીમ ઈન્ડિયાની શરૂઆત શાનદાર રહી હતી. શેફાલી વર્મા અને સ્મૃતિ મંધાનાએ વિના વિકેટ ટાર્ગેટ પાર પાડીને આસાનીથી મેચ જીતી લીધી હતી.

આ સાથે ભારતીય ટીમે વુમન્સ એશિયા કપની ફાઈનલમાં એન્ટ્રી કરી લીધી છે. ભારતીય મહિલા ક્રિકેટ ટીમે 9મી વખત એશિયા કપ 2024ના ફાઈનલમાં પહોંચીને ઈતિહાસ રચી દીધો છે. ટીમ પૂરી ટુર્નામેન્ટમાં એક પણ મેચ હારી નથી. ખિતાબ પોતાના નામે કરવા માટે ભારતીય ટીમ સૌથી મજબૂત દાવેદાર છે. હવે ભારતીય ટીમ 28મી જુલાઈના રોજ દામ્બુલા સ્ટેડિયમમાં એશિયા કપમાં ચેમ્પિયન બનવા મેદાનમાં ઉતરશે

ફાઈનલ મેચમાં ભારતનો મુકાબલો યજમાન શ્રીલંકાની ટીમ સાથે થશે. શ્રીલંકાએ ટુર્નામેન્ટની બીજી સેમિ ફાઇનલની રોમાંચક મેચમાં પાકિસ્તાનને 3 વિકેટે હરાવ્યું હતું. પાકિસ્તાને આપેલા 141 રનના લક્ષ્યનો પીછો કરતા શ્રીલંકાએ એક બોલ પહેલા જ મેચ જીતી લીધી હતી.જ્યારે ભારતની ટીમમાં મંધાનાએ પચાસ રન ફટકારી અણનમ રહી હતી. સ્મૃતિએ 39 બોલમાં 1 સિક્સ અને 9 ફોરની મદદથી 55 રન બનાવ્યા હતા. જ્યારે શેફાલી વર્માએ 28 બોલમાં 26 રન બનાવ્યા હતા. ઉપરાંત રેણુકા અને રાધા યાદવે શાનદાર બોલિંગ કરીને ત્રણ-ત્રણ વિકેટ મેળવી હતી.

હવે ભારત અને શ્રીલંકા વચ્ચે રવિવારે ફાઈનલ મેચ રમાશે. વધુમાં ,આ ટુર્નામેન્ટની બીજી સેમિફાઇનલ પાકિસ્તાન મહિલા ટીમ અને શ્રીલંકાની મહિલા ટીમ વચ્ચે રમાઈ હતી જેમાં શ્રીલંકાની જીત થઈ હતી. તેથી હવે ફાઇનલ મુકાબલો જોવો રહ્યો કે કોણ બનશે એશિયા કપ ચેમ્પિયન ..